ឯកឧត្តមបណ្ឌិត ជាម ច័ន្ទសោភ័ណ និង ឯកឧត្តម ឡុង ធាម ប្រធានក្រុមប្រឹក្សាខេត្ត ដឹកនាំថ្នាក់នាំខេត្ត មន្តី្ររាជការសាលាខេត្ត រៀបចំពិធីថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះរាជពិធីបុណ្យចម្រើនព្រះជន្មគម្រប់ ៨៨ ព្រះវស្សា យាងចូល ៨៩ ព្រះវស្សា

នាព្រឹក ថ្ងៃអង្គារ ទី១៨ ខែមិថុនា ឆ្នាំ២០២៤ ឯកឧត្តម ឡុង ធាម ប្រធានក្រុមប្រឹក្សាខេត្ត និងឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ ដឹកនាំថ្នាក់នាំខេត្ត មន្តី្ររាជការសាលាខេត្ត មន្ទីរ អង្គភាពជំនាញជុំវិញខេត្ត រួមទាំងកងកម្លាំងប្រដាប់អាវុធទាំងបី រៀបចំពិធីថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ក្នុងព្រះរាជវរោកាសជយាភិរម្យ នៃព្រះរាជពិធីបុណ្យចម្រើនព្រះជន្មគម្រប់ ៨៨ ព្រះវស្សា យាងចូល ៨៩ ព្រះវស្សា (១៨ មិថុនា ១៩៣៦ – ១៨ មិថុនា ២០២៤) ដែលប្រព្រឹត្តទៅនៅសាលាខេត្តត្បូងឃ្មុំ។