នៅព្រឹកថ្ងៃទី២៦ ខែកុម្ភៈ ឆ្នាំ២០២១ ឯកឧត្តម ថង សាវុន អភិបាលនៃគណៈអភិបាលខេត្ត ព្រមទាំងអភិបាលរងខេត្ត លោកនាយក នាយករងរដ្ឋបាលខេត្ត បានទទួលម៉ាស និងអាល់កុលដែលជាសម្ភារៈចាំបាច់សម្រាប់ការងារបង្ការ និងទប់ស្កាត់ជំងឺកូវីដ-១៩ ពីក្រុមហ៊ុន អង្គករហ្គោល ខប (Agkor Gold Corp) នូវម៉ាស់ចំនួន ១០កេសធំ និងអាល់កុលចំនួន ៥កាន។
ឯកឧត្តមអភិបាលខេត្ត បានសម្តែងនូវការអរគុណចំពោះក្រុមហ៊ុនអង្គរហ្គោល ដែលបានផ្តល់ជាសម្ភារៈខាងលើ សម្រាប់រដ្ឋបាលខេត្តប្រើប្រាស់ក្នុងការងារទប់ស្កាត់ជំងឺកូវីដ-១៩ ហើយរដ្ឋបាលខេត្តនឹងប្រើប្រាស់សម្ភារៈខាងលើនេះឱ្យចំទិសដៅ បម្រើឱ្យសុខមាលភាពប្រជាពលរដ្ឋ និងអ្នកវិនិយោគទាំងអស់ដែលកំពុងរស់នៅកម្ពុជា។
លោក Mike Week នាយកក្រុមហ៊ុនអង្គរហ្គោល បានថ្លែងនូវការគាំទ្រចំពោះចំណាត់ការរបស់អាជ្ញាធរខេត្តរតនគិរី ក៏ដូចជារាជរដ្ឋាភិបាលកម្ពុជា ក្នុងយុទ្ធនាការឆ្លើយតបនឹងជំងឺកូវីដ-១៩កន្លងមក។
