ឯកឧត្តម ឡេង ប៉េងឡុង អ្នកនាំពាក្យរដ្ឋសភា បានមានប្រសាសន៍ថា ក្រុមការងារសភាកំពុងតែពិនិត្យអំពីសំណើសុំជួបពីតំណាងគណបក្សប្រជាធិបតេយ្យមូលដ្ឋាន ដែលស្នើសុំជួបតំណាងស្ថាប័នរដ្ឋសភា ពិនិត្យទៅលើច្បាប់បោះឆ្នោត បទបញ្ជា និងនីតិវិធីបម្រើឱ្យការបោះឆ្នោតជ្រើសតាំងតំណាងរាស្រ្ត សម្រាប់នីតិកាលទី៧ ខាងមុខនេះ។
ឯកឧត្តមបានបន្តថា ការឆ្លើយតបនៅពេលណាឱ្យប្រាកដនោះ គឺនៅមិនទាន់ដឹងច្បាស់នៅឡើយទេ លុះត្រាកិច្ចប្រជុំនេះត្រូវបិទបញ្ចប់សិន ទើបអាចសន្និដ្ឋានបាន។
ឯកឧត្តមអ្នកនាំពាក្យរដ្ឋសភា បានបញ្ជាក់ជំហរថា ការឆ្លើយតបទៅនឹងកង្វល់របស់តំណាងគណបក្សប្រជាធិបតេយ្យមូលដ្ឋាននេះ នឹងមិនឱ្យយឺតយូរទៀតទេ។