រាជរដ្ឋាភិបាលកម្ពុជាត្រៀមខ្លួនក្នុងការពង្រឹងការរក្សាសុវត្ថិភាព សន្តិសុខ សណ្តាប់ធ្នាប់ ក្នុងពេលធ្វើជាម្ចាស់ផ្ទះក្នុងការរៀបចំ កិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែង ថា រាជរដ្ឋាភិបាលកម្ពុជា បានត្រៀមខ្លួនក្នុងការពង្រឹងការរក្សា សុវត្ថិភាព សន្តិសុខ សណ្តាប់ធ្នាប់ ក្នុងខណៈពេលដែលព្រះរាជា ណាចក្រកម្ពុជា នឹងធ្វើជាម្ចាស់ផ្ទះក្នុងការរៀបចំកិច្ចប្រជុំកំពូល អាស៊ាន លើកទី៤០ និងទី៤១ និងកិច្ចប្រជុំពាក់ព័ន្ធ នាខែវិច្ឆិកា ឆ្នាំ២០២២ ខាងមុខនេះ។ សម្ដេចតេជោ បានមានប្រសាសន៍ ដូចនេះ នៅព្រឹកថ្ងៃសុក្រ ទី២៨ ខែតុលា ឆ្នាំ២០២២ នៅវិមាន សន្តិភាពទីស្តីការគណៈរដ្ឋមន្ត្រីក្នុងពេលដឹកនាំកិច្ចប្រជុំពេញអង្គនៃគណៈរដ្ឋមន្រ្តី៕