(មណ្ឌលគីរី)៖ នៅរសៀលថ្ងៃ អង្គារ ១១រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៣ ខែសីហា ឆ្នាំ២០២២ ឯកឧត្តម ថង សាវុន អភិបាល នៃគណៈអភិបាលខេត្ត និងលោក សាយ ម៉េងគីម បានអញ្ជើញជាគណអធិបតីក្នុងកម្មវិធី បិទវគ្គបណ្តុះបណ្តាលតម្រង់ទិសក្រុមប្រឹក្សាឃុំ-សង្កាត់ ដែលជាប់ឆ្នោតថ្មីក្នុងអាណត្តិទី៥ ដែលមាន ការអញ្ជើញចូលរួមពីគ្រូបង្គោលថ្នាក់ជាតិ គ្រូបង្គោលថ្នាក់ខេត្ត និងក្រុមប្រឹក្សាឃុំ សង្កាត់ ដែលបានជាប់ឆ្នោតថ្មី កិច្ចប្រជុំនេះប្រព្រឹត្តទៅនៅសាលប្រជុំអគាររដ្ឋបាលខេត្ត។ដែលធ្វើឡើងនៅសាលប្រជុំអគារក្រុមប្រឹក្សាខេត្ត។
វគ្គបណ្តុះបណ្តាលនេះមានរយៈពេល២ ថ្ងៃ ចាប់ពីថ្ងៃទី២២ រហូតដល់ថ្ងៃទី២៣ ខែសីហា ឆ្នាំ២០២២
ក្នុងគោលបំណង៖ ដើម្បីឲ្យបានយល់ជ្រាបពី
១. រចនាសម្ព័ន្ធ តួនាទី ភារកិច្ច ខ្សែគណនេយ្យភាព និងការទំនាក់ទំនងអន្តររដ្ឋបាល
២. ការងារត្រូវធ្វើក្រោយប្រកាសចូលកាន់តំណែង
៣. អំពីកិច្ចការប្រជុំប្រឹក្សា
៤. ផែនការអភិវឌ្ឍន៍ និងកម្មវិធីវិនិយោគបីឆ្នាំរំកិល
៥. ការផ្តល់សេវាសាធារណៈ
៦. កិច្ចការរដ្ឋបាល
៧. ការផ្លាស់ប្តូរក្រុមប្រឹក្សា និងការគ្រប់គ្រងបុគ្គលិក
៨. ការគ្រប់គ្រងហិរញ្ញវត្ថុ
