លោកជំទាវ ម៉ាណ ណាវី តំណាងរាស្ត្រមណ្ឌលរាជធានីភ្នំពេញ អញ្ជើញចូលរួមជាអធិបតីក្នុងពិធិចែកអំណោយ និងនាំយកថវិកា ជូនគ្រួសារត្រូវភ្លើងឆេះផ្ទះចំនួន៤២គ្រួសារនៅសង្កាត់ច្រាំងចំរេះទី១ ខណ្ឌឬស្សីកែវ

(ភ្នំពេញ)៖នៅព្រឹកថ្ងៃទី១៩ ខែឧសភា ឆ្នាំ២០២២ លោកជំទាវ ម៉ាណ ណាវី តំណាងរាស្ត្រមណ្ឌលរាជធានីភ្នំពេញ និងជាប្រធានក្រុមការងារចុះជួយសង្កាត់ច្រាំងចំរេះទី១ អញ្ជើញចូលរួមជាអធិបតីក្នុងពិធិចែកអំណោយ និងនាំយកថវិកា ដែលជាជំនួយរបស់ក្រុមហ៊ុនImtiyaazservices(Singapore) ជូនគ្រួសារត្រូវភ្លើងឆេះផ្ទះចំនួន៤២គ្រួសារនៅក្នុងភូមិ២ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ។ ហើយក៏មានការអញ្ជើញចូលរួមពីសំណាក់ ឯកឧត្តម រដ្ឋលេខាធិការ អនុរដ្ឋលេខាធិការ យុវជន ស.យ.ម.ក និងអាជ្ញាធរមូលដ្ឋានជាច្រើនរូបផងដែរ។