កែប៖ ឆ្នេរខ្សាច់ចំនួន៦កន្លែង រួមមាន ឆ្នេរកម្សាន្តស្រីស ឆ្នេរកោះទន្សាយ ឆ្នេរអង្កោ ល និងឆ្នេរប្រជុំកោះពោធិ៍ចំនួន៣ទៀត ត្រូវបាន រដ្ឋបាលខេត្តកែប ដាក់បញ្ជូលជាបេក្ខភាព ក្នុងចលនាប្រឡងប្រណាំងឆ្នេរ ខ្សាច់កម្សាន្តស្អាតលើកទី៣។
ការសម្រេចដាក់បញ្ជូលនេះ ក្រោយមានការចុះពិនិត្យ និងវាយតម្លៃឆ្នេរខ្សាច់កម្សាន្ត ជាបឋម តាមបណ្តាឆ្នេរទាំងននោះ ពីក្រុមការងារទ ទួលបន្ទុក តាមដាន និងវាយតម្លៃឆ្នេរខ្សាច់កម្សាន្ត ក្រោមវត្តមា ន ឯកឧត្តម ម៉ៅ ក្រឹង អគ្គលេខាធិការង នៃគណៈ កម្មាធិការជាតិ គ្រប់គ្រង និងអភិឌ្ឍន៍តំបន់ឆ្នេរសមុទ្រកម្ពុជា (គ.អ.ឆ.ក) ជាមួយរដ្ឋបាលខេត្តកែប ដែលមាន ឯក ឧត្តម វ៉ៅ សុខា អភិបាលរង ទទួលបន្ទុក ដោយបេសកម្មនេះចំណាយពេល ចំនួន៣ថ្ងៃ។
ឯកឧត្តម វ៉ៅ សុខា អភិបាលរងទទួល បន្ទុក និងជាអ្នកនាំពាក្យ រដ្ឋបាលខេត្តកែប បានមានប្រសាសន៍ អោយដឹងនៅថ្ងៃទី២៩ ខែមិនា ឆ្នាំ២០២២ នេះថា ជាមុខមាត់ខេត្តកែប កាលពីពេលកន្លងទៅ ឆ្នេររបស់យើងធ្លាប់ ទទួលបានពានរង្វាន់នេះរួចមកហើយ ជារួមខេត្តរបស់យើងក៏តែង តែទទួលបានពានរង្វាន់ ទៅលើផ្នែកផ្សេងៗ ក្នុងចលនា ប្រឡងប្រណាំង ទាំងថ្នាក់ជាតិ និងអន្តរជាតិ ដោយឡែកក្នុងចលនាប្រឡងប្រណាំង ឆ្នេរខ្សាច់កម្សាន្តស្អាតលើកនេះ យើងធ្វើការដាក់បញ្ជូនឆ្នេរទាំង ៦ ដោយយោងទៅលើគុណសម្បត្តិ និងលក្ខណៈសម្បត្តិល្អ នៃទីតាំងឆ្នេរទាំងនោះ ហើយយើង រំពឹងថាយើងនៅ តែរក្សាបានជាបេក្ខភាព ជ័យលាភ័យលើកនេះទៀត។
លោកបានបន្ថែមថា ក្រៅពីការងារចុះត្រូតពិនិត្យបេក្ខភាពឆ្នេរ សម្រាប់ការប្រឡង ប្រណាំងលើកនេះ ក្រុមការងាររបស់យើងក៏បានចុះមកត្រួតពិនិត្យការអនុវត្តន៍ពង្រីកឆ្នេរ ២,៧០០ម៉ែត្រ កំពុងដំណើរការ ហើ យយើងឃើញថា បានសម្រេចការចាក់ដីបំពេញស្ទើរតែរួចរាល់ហើយ ក៏កំពុងត្រៀ ម ចាក់ខ្សាច់បន្ថែម ជារួមដំណើរលើកនេះរបស់ ក្រុមការងារ ថ្នាក់ជាតិ និងថ្នាក់ខេត្ត យើងទទួលបាន លទ្ធផលល្អប្រសើរដូចការគ្រោងទុក។
សូមបញ្ជាក់ផងដែរថា ខេត្តកែបទទួលបានស្នាដៃ និងជ័យលាភីជាបន្តបន្ទាប់ទាំងថ្នាក់ជាតិ និងថ្នាក់តំបន់រួមមាន ជ័យលាភីប្រឡងប្រណាំងនៃការអនុវត្តគោលនយោបាយភូមិ-ឃុំមានសុវត្ថិភាព, ជ័យលាភីចលនាប្រឡងប្រណាំងទីក្រុងស្អាត «ផ្ការំដួលបីទង» ចំនួន២លើកជាប់ៗគ្នា, ជ័យលាភី «ឡាបិលទីក្រុងទេស ចរណ៍ស្អាតអាស៊ាន» នៅទីក្រុងឈៀងម៉ៃនៅប្រទេសថៃ, ពានរង្វាន់ «ទីក្រុងនិរន្តរ ភាពបរិស្ថានអាស៊ាន» លើសូចនាករ ដីស្អាត ទឹកស្អាត និងខ្យល់ស្អាត នៅប្រទេ សប្រ៊ុយណេ និងពានរង្វាន់ «ឡាបិលឆ្នេរខ្សាច់កម្សាន្តស្អាត» នេះឯង៕
JOIN US https://t.me/lorsovanney