អភិបាលខេត្តមណ្ឌលគីរី ដឹកនាំកិច្ចប្រជុំ ពិនិត្យវឌ្ឍនភាព និងរៀបចំផែនការចុះជួយក្រុង-ស្រុក ឃុំ-សង្កាត់ របស់ក្រុមការងាររាជរដ្ឋាភិបាលចុះមូលដ្ឋាន ដើម្បីត្រួតពិនិត្យ គាំទ្រការអនុវត្តកម្មវិធីនយោបាយ និងយុទ្ធសាស្រ្តចតុកោណដំណាក់កាលទី៤

(មណ្ឌលគីរី)៖ នៅរសៀលថ្ងៃសុក្រ ៨រោច ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៥ ខែមីនា ឆ្នាំ២០២២ ឯកឧត្តម ថង សាវុន អភិបាល នៃគណៈអភិបាលខេត្តបានអញ្ជើញដឹកនាំកិច្ចប្រជុំពិនិត្យវឌ្ឍនភាព និងរៀបចំផែនការចុះជួយក្រុង-ស្រុក ឃុំ-សង្កាត់ របស់ក្រុមការងាររាជរដ្ឋាភិបាលចុះមូលដ្ឋាន ដើម្បីត្រួតពិនិត្យ គាំទ្រការអនុវត្តកម្មវិធីនយោបាយ និងយុទ្ធសាស្រ្តចតុកោណដំណាក់កាលទី៤ តាមរយៈប្រព័ន្ធវីដេអូ(ZOOM) ចំពោះបណ្តារក្រុង-ស្រុក និងមានការចូលរួមប្រជុំដោយផ្ទាល់ពីសំណាក់លោក អភិបាលរងខេត្ត នាយករដ្ឋបាលខេត្ត ប្រធាន-អនុប្រធានមន្ទីរដែលជាក្រុមការងារចុះជួយតាមបណ្តារក្រុង-ស្រុក ឃុំ-សង្កាត់នីមួយៗ ដែលកិច្ចប្រជុំនេះប្រព្រឹត្តទៅនៅសាលប្រជុំអគាររដ្ឋបាលខេត្ត។