អភិបាលខេត្តមណ្ឌលគីរី និងប្រធានក្រុមប្រឹក្សាខេត្ត បានអញ្ជើញចុះជួបសំណេះសំណាល និងប្រមូលផលដំណាំដំឡូងបារាំង

(មណ្ឌលគីរី)៖ នារសៀលថ្ងៃទី២៤ ខែមករា ឆ្នាំ២០២២ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី និងឯកឧត្តម ថង សាវុន អភិបាលខេត្ត បានអញ្ជើញចុះជួបសំណេះសំណាល និងប្រមូលផលដំណាំដំឡូងបារាំងរបស់កសិករ គ្រី ម៉េងឃាង ដែលបានដាំក្នុងទំហំដី ៣០០​ម៉ែត្រការេ ស្ថិតនៅភូមិចំការតែ សង្កាត់ស្ពានមានជ័យ នៅក្នុងក្រុងសែនមនោរម្យ ដោយមានការចូលរួមពីសំណាក់លោក ឈឹម កាន អភិបាលរងខេត្ត កងកម្លាំងប្រដាប់អាវុធទាំងបី ថ្នាក់ដឹកនាំមន្ទីរអង្គភាពជុំវិញខេត្ត និងកសិករជាច្រើនរូប។